百芳池上便當 (裕民坊YM²)

昨日喺apm睇戲前去裕民ym行吓，睇吓睇完戲食乜。行過百芳池上，本來好開心，因為我係佢太古城店嘅常客，就一心諗住今晚食呢度啦。

我就望下個menu，同太古城有啲分別。咁啱有個女職員喺我附近，我就問一句「請問今晚幾點關門和last order？」。佢氣沖沖行出嚟話：呢度咪有囉，然後行去一大堆紙板附近，指住其中一個有last order嘅紙板。

我知我發雞盲睇唔到，但當時係下午4、5點左右，店入面得一個客，佢同其他職員都係吹水，咁你答我一句又駛唔駛咁惡同唔耐煩？阻住你地吹水喺我唔好，真係唔敢想像要你服務會點。

最後睇完戲當然係冇去呢度啦！