影片
更多
2010-09-11
34 瀏覽
先前有朋友食過話ok，結果一行十一人再去食。上Openrice睇過，劣評唔太多，諗住都算啦…一口豆腐、七味雞軟骨、桂花糕、一口牛柳都叫齊，結果係……好失望。條秋刀魚未融雪就燒…結果係…完全食唔到落口。一口牛柳呢…其實只係普通肥牛…個賣相好唔掂，所以唔擺上黎啦。另外有個雞翼，唔記得乜名，唔知落左D酒定咩…食落似係化學物品咁…立即作嘔！所謂既「曰式雪糕」（填果張紙仔連「日」都打錯呀！），只不過係細細舊既雪糕糯米糍…絕對係畀佢呃左…連牛奶公司既雪糕都冇。Last Order 有野未黎就趕人走，15分鐘一次…最後果5分鐘仲係咁望住我地…態度真係好差…價錢呢？1825入座計$149，1830就計$159，都係食同樣野；目的就係為左踢哂班$149走，2030後入係$169！（刻意執枱慢令你2030先入…）仲有呢…我地十一人，有10%Off，但真係唔知佢點計…$149 + 10%服務費 = $163.9$163.9 x 10%Off = $147.51（但都照收 $149 而唔係 $148…）我簽Visa，仲可以開口叫你自己填銀碼…咁既服務態度仲想收貼士？
上Openrice睇過，劣評唔太多，諗住都算啦…
一口豆腐、七味雞軟骨、桂花糕、一口牛柳都叫齊，結果係……好失望。
條秋刀魚未融雪就燒…結果係…完全食唔到落口。
一口牛柳呢…其實只係普通肥牛…個賣相好唔掂，所以唔擺上黎啦。
另外有個雞翼，唔記得乜名，唔知落左D酒定咩…食落似係化學物品咁…立即作嘔！
所謂既「曰式雪糕」（填果張紙仔連「日」都打錯呀！），只不過係細細舊既雪糕糯米糍…絕對係畀佢呃左…連牛奶公司既雪糕都冇。
Last Order 有野未黎就趕人走，15分鐘一次…最後果5分鐘仲係咁望住我地…態度真係好差…
價錢呢？1825入座計$149，1830就計$159，都係食同樣野；目的就係為左踢哂班$149走，2030後入係$169！（刻意執枱慢令你2030先入…）
仲有呢…我地十一人，有10%Off，但真係唔知佢點計…
$149 + 10%服務費 = $163.9
$163.9 x 10%Off = $147.51（但都照收 $149 而唔係 $148…）
我簽Visa，仲可以開口叫你自己填銀碼…咁既服務態度仲想收貼士？
張貼
