越男仔

營業中

休息中

上次係沙田好運中心食完越北，今次就嚟到河畔食越男 😋 順便探下個住喺河畔花園嘅朋友仔。餐廳都花幾多心思去裝飾，店內掛滿不同類型嘅擺設，有啲擺設重非常得意。由於份量都幾大碟，所以叫咗海南雞飯同豬頸肉炒芥蘭同朋友 Share 食。鍋仔豬頸肉炒芥蘭 ($85) : 呢個小炒朋友讚不絕口，鑊氣夠份量多 💯 芥蘭爽口鮮甜，而豬頸肉蒜香味十足又啖啖肉。越式海南雞飯 ($89) : 賣相幾靚仔，雞飯份量兩個人食都足夠，海南雞皮薄爽滑之餘雞味濃郁，而且又去埋骨，方便又好味。😋飲品第二杯有半價 😍 所以叫咗越式拉茶 ($22) 同椰汁冰 ($28)。