咖啡綠茶 (已結業)

以往都聽唔少咖綠嘅差評 話服務差味道差我之前都幫襯過幾次覺得都還好再加告急緊所以琴日再黎幫襯點知今次終於到我瀨野-開頭諗住叫煙燻朱古力同朱古力鬆餅侍應姐姐話冇我都不意外嘅 畢竟黎左咁多次都係成日冇 我都慣架啦咁之後叫左朱古力蛋糕同鮮奶紅茶啦朱古力蛋糕除咗等得耐少少之外就冇其他問題嘅問題係鮮奶紅茶到-我落單嘅時候指住menu講鮮奶紅茶侍應姐姐覆單都係覆鮮奶紅茶點知之後上黎嘅係鮮奶焙茶我自己唔鐘意任何綠茶/焙茶嘅野 咁我想叫侍應姐姐換比我啦個侍應姐姐好似上完菜就唔鬼理你咁 我揮幾次手都唔過黎-之後佢終於黎左 我話我叫嘅係鮮奶紅茶 但你上比我嘅係鮮奶焙茶黎架喎跟住佢就行走左 拎住部落單機入黎話你落單嘅時候指住焙茶架喎 你飲住先啦 然後又走左-呢個時候我開始嬲嬲地你出錯野落錯單仲好意思話係我問題仲叫我飲住先之後我都迫自己試飲左啖 但真係接受唔到陣焙茶味拎左杯野出去同廚房講廚房姐姐都話沖過杯比我 叫我坐低喺位等呢到回應態度其實都好差 但諗住都肯換就唔再追究點知之後上到黎嘅又係鮮奶焙茶-其實係咪成間舖啲人都聽唔明廣東話分唔到紅茶焙茶顏色分別喂 如果下下出錯野你都淨係叫人飲住先你個menu邊洗寫咁多