銀杏館-越老 (已結業)

今日在油麻地附近工作,一直以來都聽到不同在油麻地工作的朋友讚好「銀杏館-越老」是一間很不錯的社企餐廳,加上自己仍然記掛住去旅行時食到的地道越南菜,所以心郁郁咁想去試一次。作為一間支持長者就業理念的社企, 它的環境都配合十足,整間裝潢都很有懷舊氣氛。地方望落空間感好夠,旁邊的卡位亦夠闊,坐得好舒服。食物方面叫了比較地道的越式春捲撈檬,這是撈檬材料都落得幾多,春卷食得出內裡有由豆芽、粉絲、蘿蔔絲、肉鬆、蔥段等做成的餡,用料充足,再表面炸得夠鬆脆,內裡的有機菜亦很爽口,口感十足。而且食起上黎感覺都唔似有落味精,係除左春卷用炸之外,都算有機健康。建議大家可以試一試食撈檬加上個拌汁,真係幾好味。服務方面見到好多位長者都好好笑容,做得幾開心咁,見到佢地年紀咁大仍然可以咁有熱誠對客同服務,的確好難得。價錢都算係中位價,算係抵食,味道同服務又唔錯。作為社企,不論食物,環境,服務,甚至是長者們的精神層面,「銀杏館」都照顧得不錯,今次餐飯,的確令我印象深刻,我認為是值得各位一試的。