味閣海南雞飯專門店 (已結業)

有時一大群人食飯，大家各有所愛，又想便便地食完趕下一站，food court係最實際又大衆既選擇。今日係apm food court有間叫〈味閣〉，有越式粉麵，50元兩個餸仲可以揀湯底同麵底，算係可接受啦。湯多過面，多到d餸係上面浮浮下。。。湯底還可以啦，超碼唔係淡茂茂，但都幾味精下。麵底揀左河粉，亦係不過不失，份量夠飽，而且煮既時間ok,所以河粉口感幾好！！餸方面揀了札肉同雞翼。札肉係即食食品，好難會唔好食，不過要一提係札肉唔辣。雞翼有三隻，份量方面，三隻都熟而且味道ok。50蚊，算係咁啦！