越滿 (已結業)

尋晚遲左放工，同事提議一齊食晚飯喇，喺旺角呢個充滿美食嘅地方，一時間好難去諗諗食咩。最後上網睇左好耐，發現呢間新開嘅越式餐廳都唔錯，決定去試試。餐廳裝修都幾得意，而且有越南嘅感覺，因為佢地用嘅色彩好豐富。餐廳選擇都多，而且有特色菜式推薦，唔怕諗唔到食咩。牛油雞翼係食越南菜必食架。可惜比較失望呢，炸漿比較厚，而且牛油味又欠奉，值得可取係雞翼炸得啱啱好，肉質嫩滑唔鞋口。到佢地招牌越滿和牛湯河!!! 上枱時都嚇一嚇，因為個碗好大個。牛骨湯底唔錯，唔油膩，飲完唔口渴。河粉滑溜唔會厚，和牛肉唔錯，牛肉味濃，幾好味!!另外點左燒腩肉撈檬，燒腩肉好香口，帶點肥，好味，如果佢嘅撈檬用碗上比較好，可以加撈檬汁落去。 個人比較推薦食湯河，湯底唔錯而且材料都好，如果牛油雞翼濃味啲更好!!!