永珍越南菜館

參觀完宋皇臺站開放日， 梗係喺附近食返轉泰國菜。 但係屋企人想食火車頭河粉， 途經這間「永珍越南菜館」， 晚市套餐好似好抵食。😋

九龍城區來說，餐廳 內籠算寬闊，三個人被安排坐六人卡座。

火車頭越南湯河

阿姐服務唔錯有招乎， 坐低已放低熱水再清洗碗筷，仲有熱茶提供。

火車頭越南河粉晚餐
所有配料都係牛：有牛丸， 牛腩，牛筋，牛柏葉，牛舌。。 非常豐富，河粉幼滑， 不過份量唔算多。 還好唔會索曬啲湯 。湯底幾有牛肉味，唔算好咸 。

冬陰功海鮮湯河晚餐
同樣點了河粉，因為很想飲冬陰功湯～
汤底係light 版的冬陰功湯， 唔會好辣，小朋友都吃到。
魷魚好新鮮， 還有大蝦，青口， 蟹柳。

加了一份小食「越南網卷」， 炸得鬆化， 裏面餡料應該係齋？ 有芋蓉， 味道唔錯。

椰汁海底椰冰 （跟晚餐＋$12）
椰汁香濃， 海底椰爽口， 炎炎夏日透心涼～

港式奶茶，不過不失。

1

1

1

1