河內大娘越南餐廳 (已結業)

尖沙咀越南野都少見，中日法都食到悶悶地，就食呢間河內大娘。豬頸肉木瓜沙律，一上台，個樣不太討口。豬頸肉驟眼望落去，似叉燒。懷著戰戰兢兢嘅心情一試，原來好好味。豬頸肉烤到好香口。木瓜沙律好清新爽脆，個甜酸醬好醒胃。十分推介。咖哩香茅烤豬排湯河豬排外層香脆，內裏肉質完全唔會韌，裏裏外外都充滿香茅嘅味道。不用沾咖哩已經好好味。咖哩味道一般，香料不足，所以咖哩味道單調。湯河清甜，如果可以配埋金不換會加分啲。熱龍眼蓮子茶：舒舒服服嘅一杯飲品。蓮子芯已經挑走左，俾個like佢。