影片
更多
2017-07-03
786 瀏覽
越南 出名靚女多 美食多籮籮 粉麵出色 真係街知巷聞 回想去越南嘅日子已經有成十年突然之間有啲想念， 經過見到試業中，入去食試一試。如果食越南嘢，一定諗起生牛肉檬粉，可惜朋友唔鍾意生牛肉， 所以我哋就叫咗，，扎肉蒸粉包， 越式牛肉檬生菜包， 小食拼盤，越式三寶飯，凍鹹檸梳打。多款醬汁任你使用，兩種唔同嘅辣醬，兩隻都好好食，豉油方面味道比較甜。最先上菜係扎肉蒸粉包， 完全冇雪味，又冇一陣豬臭味，薄薄一片，放入口大細剛好。下一個送到嘅係小食拼盤，有魚餅，豬扒，雞翼，仲有越式春捲。魚餅同越式春捲都好好味，魚餅咬落落有口感，唔會一咬就散開。春捲方面用料十足，咬落有層次口感，再配合埋個汁更加好食。 雞翼豬扒都係用香茅料醃製，醃嘅時間充足，入口已充滿香茅味。 越式牛肉檬生菜包，真係好越南。檬粉配牛肉再用生菜，包住嚟食好清新好有口感，最重要牛肉用薑醃製。完全冇一種牛嘅腥臭味。最後到個飯來，冇諗過三寶飯嘅餸同小食拼盤，自己有啲失策，冇留意清楚。好彩樣樣都咁好食，紮實嘅舖頭做出啲咁紮實嘅食物，大滿足。野飲鹹檸梳打，咸檸醃製時間夠耐， 鹹中帶酸，酸中帶出淡淡嘅檸檬清香。天氣咁熱，配合埋冰凍梳打，更令人為之
如果食越南嘢，一定諗起生牛肉檬粉，可惜朋友唔鍾意生牛肉， 所以我哋就叫咗，
，扎肉蒸粉包， 越式牛肉檬生菜包， 小食拼盤，越式三寶飯，凍鹹檸梳打。
多款醬汁任你使用，兩種唔同嘅辣醬，兩隻都好好食，豉油方面味道比較甜。
最先上菜係扎肉蒸粉包， 完全冇雪味，又冇一陣豬臭味，薄薄一片，放入口大細剛好。
下一個送到嘅係小食拼盤，有魚餅，豬扒，雞翼，仲有越式春捲。魚餅同越式春捲都好好味，魚餅咬落落有口感，唔會一咬就散開。春捲方面用料十足，咬落有層次口感，再配合埋個汁更加好食。 雞翼豬扒都係用香茅料醃製，醃嘅時間充足，入口已充滿香茅味。
越式牛肉檬生菜包，真係好越南。檬粉配牛肉再用生菜，包住嚟食好清新好有口感，最重要牛肉用薑醃製。完全冇一種牛嘅腥臭味。
最後到個飯來，冇諗過三寶飯嘅餸同小食拼盤，自己有啲失策，冇留意清楚。好彩樣樣都咁好食，紮實嘅舖頭做出啲咁紮實嘅食物，大滿足。
野飲鹹檸梳打，咸檸醃製時間夠耐， 鹹中帶酸，酸中帶出淡淡嘅檸檬清香。天氣咁熱，配合埋冰凍梳打，更令人為之一振。
最可惜嘅係，佢個湯係完全冇味精但我食唔到呀，點解今日個朋友唔食生牛肉呀。
下次來到，一定要搵個食生牛嘅friend陪我，試試你個生牛肉河粉。
張貼
