得龍大飯店 (已搬遷) 新店位置

由仍有舊機場時已經常幫襯，今晚路過，見仍有枱於是決定在此開餐。兩人叫了燒肉併燻蹄、順德醬爆魚鰾及清炒蕃薯苗。燒肉併燻蹄 – 燒肉皮已很韌，燻蹄OK，很細碟的雙併燒味$128，喺一般酒樓應可有一大碟併盤了。順德醬爆魚鰾 – 一個細煲上，但只有不足半煲，可幸味道算可口（$88）。清炒蕃薯苗 – 有點韌，唔知係唔係蕃薯苗嘅特質 ($55)。兩個人，一碗飯（$10）加茶芥，仲有一碟喬頭（$14），埋單要＄315，比酒樓還要貴，但份量就少得多，味道都不如以前。唔知係咪米之蓮效應，價錢要乎合米之蓮身份，以前又好食又抵食真係已成歷史了。唯一服務態度真係一直保持水準之上。