塚田食堂

營業中

休息中

本身住將軍澳，今日到東港城搵嘢食。到元氣排20幾張飛，放棄左。諗起之前食過的塚田食堂，覺得唔錯，再去幫襯。去到發覺加咗價，沙律吧由15加到20，都ok啦，照入座。上次叫咗個生薑豚肉燒，今次見到有個新的泡菜豚肉定食，所以試下，點知就中伏。啲豚肉片好似白烚，亳冇香味可言。啲泡菜就噤溝落去，炒都冇炒，可能當時係八點幾，趕收工呱。更離譜係，未到八點十，啲甜品冇曬，問啲職員，就係答一句冇啦就算。噤我加個沙律吧，淨係飲咗罐汽水，甜品都冇一件，無言。呢排疫情平和，啲餐廳生意好咗，密密地加價，但啲嘢食就越來越求其，好似當啲人唔識食噤，呢啲心態只會越做越冇生意。唔會有下次幫襯。