赤本山 (已結業)

將軍澳平時比較少入，但見到有omakase係openrice有折所以就去咗試個晚市！既然有折就緊係越貴個set就懢得越多🫨所以就叫咗佢地「山」先付刺身5品 • 鮫鰈魚with裙邊 • 象拔蚌配岩鹽&青檸汁 • 長崎小長井生蠔 • 紫海膽配三文魚子 • 帶子紫蘇葉卷印象最深刻會係個紫海膽，因為平時嘅omakase比較少見，而且師傅拎出黎個下仲係識郁，勁新鮮！再配埋啲魚子真係又鮮又甜，呢個我真係會比10/10！御料理 • 蟶子配辣肉碎蟶子係食佢嘅鮮周口感，所以平時係屋企食會配蒜蓉或者豉油，師傅今次配自製辣肉碎，更加香口，層次亦更豐富寿 十二貫 • 伊左木口感彈牙，比較鮮甜 • 石垣貝肉質好鮮甜，而且好厚實 • 真鯛口感味道同脂肪就比較平均 • 深海池魚口感同脂肪感比較突出 • 金目鯛油份比較重 • 醬油漬赤身人工飼養，味道會較淡，但肉質鮮嫩 • 宮城縣大拖羅因為呢款吞拿活動量較大，所以啲筋食落都會淋啲 • 帆立貝師傅做咗千切效果，食落更加有口感，而且原本已經好厚身！ • 池魚脂肪量較高，口感肥美 • 活北寄貝被師傅輕輕炙過，貝味更加出 • 甜蝦他他係蝦蓉配上蝦肉粒，更加有口感之餘又好綿滑