影片
更多
2022-10-03
23 瀏覽
今日約咗係中環收工嘅朋友仔食晚飯，朋友超鍾意食日本嘢，所以就勁想試吓呢間新開嘅 Omakase。😋 晚市提供三款套餐，我哋叫咗「花」🥰 揀好咗無耐，侍應就遞上餐前小食。😋鱈魚乾非常脆口，而且帶點微辣。😋頭盤有龜之爪、馬糞海膽 、黑梅貝同目光魚。龜之爪行山就見過，食就真係等一次 😋 口感非常爽口。角螺刺身超級鮮甜，自己超鍾意食 😍 白蝦亦不遑多讓，蝦味非常濃厚，配上非常飽滿嘅根子同海膽，新鮮程度爆晒燈。擺盤好靚好精緻 😍 牡丹蝦刺身上面係蝦膏同金箔，見到都流晒口水 🤤 另外八爪魚吸管同煙燻吞拿魚刺身亦非常高質，而中間位置就係主角松葉蟹蟹凍配馬糞海膽，蟹肉同海膽嘅鮮甜味充斥住成個口腔。生蠔超級大隻，所以師傅將佢一開二，生蠔上鋪滿銀箔同柚子梅酒整成嘅啫喱，令鮮味突出嘅生蠔多添一份味道。油香滿溢嘅拖羅用豆紙、生菜、小魚乾包住，其中一件拖羅輕輕炙燒，呢件拖羅三文治每啖都係滿足同衝擊，真係一試難忘。下一道菜係蒜片和牛粒，牛粒肉汁飽滿，肉質非常嫩。壽司六貫 : 每款刺身都勁新鮮勁高質 🤤 自己最鍾意食海膽 😍 海膽用紫菜造成嘅紙托裝住，口感脆口之剩馬糞海膽亦超鮮甜，非常有創意嘅壽司。大蝦麵豉湯非常鮮
晚市提供三款套餐，我哋叫咗「花」🥰 揀好咗無耐，侍應就遞上餐前小食。😋
鱈魚乾非常脆口，而且帶點微辣。😋
頭盤有龜之爪、馬糞海膽 、黑梅貝同目光魚。龜之爪行山就見過，食就真係等一次 😋 口感非常爽口。
角螺刺身超級鮮甜，自己超鍾意食 😍 白蝦亦不遑多讓，蝦味非常濃厚，配上非常飽滿嘅根子同海膽，新鮮程度爆晒燈。
擺盤好靚好精緻 😍 牡丹蝦刺身上面係蝦膏同金箔，見到都流晒口水 🤤 另外八爪魚吸管同煙燻吞拿魚刺身亦非常高質，而中間位置就係主角松葉蟹蟹凍配馬糞海膽，蟹肉同海膽嘅鮮甜味充斥住成個口腔。
生蠔超級大隻，所以師傅將佢一開二，生蠔上鋪滿銀箔同柚子梅酒整成嘅啫喱，令鮮味突出嘅生蠔多添一份味道。
油香滿溢嘅拖羅用豆紙、生菜、小魚乾包住，其中一件拖羅輕輕炙燒，呢件拖羅三文治每啖都係滿足同衝擊，真係一試難忘。
下一道菜係蒜片和牛粒，牛粒肉汁飽滿，肉質非常嫩。
壽司六貫 : 每款刺身都勁新鮮勁高質 🤤 自己最鍾意食海膽 😍 海膽用紫菜造成嘅紙托裝住，口感脆口之剩馬糞海膽亦超鮮甜，非常有創意嘅壽司。
大蝦麵豉湯非常鮮甜。
最後以清甜多汁嘅靜岡蜜瓜作為總尾，配搭自家製嘅椰絲奶凍，奶凍又香又滑，非常滿足嘅Omakase。🥰
張貼
