Plaa (已結業)

最近試咗一間我超級推薦嘅泰國餐廳，真係多得朋友帶，先有機會食到一個咁精緻又出色嘅泰式晚餐。首先呢度裝修好靚，一入到嚟就令人好舒服嘅感覺，而所有店員都超級有禮貌又友善。當晚我哋食左tasting menu，而當中我覺得最出色同難忘就有以下呢幾樣：頭盤係松露脆皮椰奶撻個擺盤超級靚，食落係有椰子疏乎厘，加埋mushroom，上面再加埋黑松露，成個菇味味道好出。同椰奶撻一齊出嘅鰹魚撻真係超級好食，撇除用嚟打卡一流之餘，口感都超級豐富，出邊外皮好脆，入面又多鰹魚料！頭盤就係佢哋自家製嘅奶油麵包配冬陰牛油，我第一次食冬陰牛油，估唔到個味道咁夾， creamy又有d味蕾上嘅衝擊，配埋泰式綠咖喱都好好食，呢個綠咖喱除咗用上左泰國香料牛油之外，都會用上一般泰菜好常用嘅zuccini，但係估唔到都有用埋南非嘅鮑魚肝！第一樣食嘅嘢已經留下非常好嘅印象。馬友魚煎得好香，肉身保留到嫩滑，加埋椰子白奶油同竹筍，食落有一種comfortfood嘅感覺。就連最後個甜品都超級靚，連通常麻麻哋食甜品嘅我都食晒！