滾火鍋 (已結業)

今日同朋友慶祝升職，決定食豪d，去左深水埗嘅滾火鍋。呢度環境好舒服，2個人已經可以坐大卡位，5個人以上嘅位更加闊落。我地點左(細)手切日本和牛、西班牙黑毛豬、手打四寶丸、雜錦蔬菜盤、金菇菜同罐裝可樂。湯底因為唔想食辣，所以要沙爹同清湯，沙爹比較好食入味。想講d野食真係大讚👍和牛同黑毛豬好靚，肉好嫩，同雪藏嘅無得比。和牛係靚嘢，睇相嘅條紋就知道，同出面普通嘅好唔一樣。😍😍😍😛雖然和牛係細份，不過都幾多片，真係食到停唔到。不過呢兩個都比較貴，最好4個人叫份大嘅share。要打卡就記得叫丸食，佢個賣相好靚好精緻，我叫嘅4寶丸有曬幾款口味，比較推介，而且相嘅效果都比較好。金菇記得放落沙爹湯度，呢個湯底配搭係最正架，哈哈！配菜都係新鮮嘅，但因為肉太吸引喇，所以有d比下去嘅感覺。如果唔特別想食菜，就留番多d quota 比丸同肉喇。今次嘅遺憾係無叫海鮮，隔離檯嘅海鮮好正呢！呢間係我呢排食過最好嘅火鍋店，環境員工食物都出乎意料嘅好，如果下次有特別日子，唔想去西餐廳可以試下佢。