芭堤雅泰國餐館

營業中

休息中

好耐之前食過呢間泰國菜，次次都好多人排隊，今日都唔例外，但係都忍唔住排隊排咗一個鐘嚟食。呢度嘅環境好好，而且仲有兩層，上面嘅環境好靚，次次嚟到都見到好多人慶祝生日或者一大班人聚會。呢度最抵讚嘅就係呢個冬陰功海鮮湯，佢飲落唔會太辣，小朋友都飲得，但係非常開胃。而且平時其他餐廳嘅冬陰功湯，多數都只係得好多配料而海鮮唔會太多，但係呢度嘅冬陰功湯非常多海鮮，而且每隻海鮮都好新鮮。最值得讚嘅就係佢嘅蝦非常大隻，而且食落好彈牙。每一款海鮮都好大同埋好新鮮，平時唔太鍾意食青口，但係呢度嘅青口都好大隻同埋食落有啲食蜆嘅感覺，因為好新鮮。海南雞都係一道好出色嘅菜，佢嘅雞冇骨，老人家都食得，而且雞肉非常嫩滑，食落唔會太油，雞味好濃郁，好適合送飯。呢間餐廳每一道菜都好高質，而且價錢好平，唔怪得咁多人排隊。如果大家想嚟食記住喺平日，或者唔好喺晚飯時間嚟啊。