麦玉子 (已結業)

北角滙都算係個新商場，今日行開附近知道入邊有間一田想去買下野，先知間商場三期夾埋原來咁大嫁。買完野竟然俾我發現有個food court，勁多日本嘢食，呢排睇咗ViuTV嘅二月廿九，特別想食玉子燒，所以揀咗麦玉子。發現佢都幾多選擇玉子燒就少不免啦，另外仲有煮食有飯有面。我同女朋友一人揀咗一個主食一個玉子燒。明太子玉子燒 $35明太子有少少辣味吊左蛋香味，個蛋真係好滑呀，睇住個店員一層一層咁樣戰，已經知道質素一定好高。櫻花蝦玉子燒 $35櫻花蝦鹹鹹甜甜好開胃，蝦嘅份量好夠，又唔會蓋過蛋香味。滑蛋牛肉飯 $63牛肉味都幾香，肉質鮮嫩油多牛汁，但係個飯可以再乾身啲，蛋就當然真係好滑啦。鰻魚咖喱飯 $85個飯撈左啲好似薏米咁嘅米（如圖），令個口感層次再豐富啲，咖喱汁微辣都幾香，唔似普通日本餐廳食到得個甜味嘅咖喱。個人覺得鰻魚同咖喱唔太襯，不過兩塊鰻魚係優質既，沙律都好Fresh!超級推薦!