漁港薈 (已結業)

睇完某youtuber 介始呢個海鮮火鍋，即刻就book 枱嚟試下。餐廳唔算好大，不過座位都寬敞。叫咗個藥膳湯底，個湯愈煲愈香濃，個味都幾好。首先就嚟個海鮮拼盤，每人有半隻龍蝦，鮑魚、蟶子、桶蠔就各一，其他海鮮，好似蝦呀，龍躉個啲就任叫。個龍蝦超級新鮮，肉質彈牙，唔係冰鮮貨。食完都可以請餐廳幫你斬開埋個頭，個頭都好有肉同膏。其他海鮮都好新鮮，啖啖肉。其他配料選擇唔算多，但都好食。M5和牛都好靚，係任食火鍋嚟講算係高汁牛。黑豚肉都幾好食。黑椒牛丸有驚喜，一食就爆汁，勁似振興嗰隻牛丸。芋泥貢丸就係第一次食，都幾過癮。仲有兩款甜品，椰汁桂花糕同埋紅棗糕，兩款都幾好食。紅白酒都係任飲。買單加埋+1 ，每位333 ，但啲嘢食高質，我覺得都幾抵食。