影片
更多
2023-06-20
18 瀏覽
日本過江龍「黑樺牛牧場」嚟咗香港啦。餐廳主打黑樺牛牧場和牛火鍋放題，任食高質A5 和牛，肉質極具光澤，紋理清淅細膩。前菜： 松花皮蛋、牛舌、牛展、魚皮，味道麻中帶辣，惹味；仲有鬼馬墨魚滑，外脆內軟，好過癮。冬瓜豆腐海鮮燉湯：天時暑熱，呢個冬瓜燉湯啱晒飲啦，可以袪濕消暑；用咗好多材料，海鮮嘅鮮味好出，飲完一d都唔覺得口渴。湯底揀左壽喜燒：用A5和牛砌成玫瑰花形狀，賣相好吸引，湯底清甜，味道同和牛好夾。北海道大元貝牡蠣海鮮拼盤：店員會用計時器計時，務求客人進食時，牡蠣處於最優質狀態，仲會幫客人即場開牡蠣，好貼心呀。黑樺牧場精選層架：第一層有花形嘅和牛；第二層有五花肉；第三層有手打蝦滑& 墨魚滑。呢個靚靚層架用黎打卡一流呀。食完前菜，之後用QR code 落單，選擇都幾多，我地主要係想食和牛，揀左其中5款和牛，包括特上霜降小排、肩胛梅花、美國特選牛板腱、牛頸脊、玉子後腰肉。全部和牛油花豐富，好juicy。特上霜降小排：油脂豐富，牛味濃郁。肩胛梅花：脂肪較小，帶筋，肉質軟嫩得嚟帶點嚼勁。玉子後腰肉：和牛沾上蛋漿再放落鍋到碌，肉質口感更順滑；牛頸脊肌肉較多，油花較少，口感較結實。美國特選牛板腱：
前菜： 松花皮蛋、牛舌、牛展、魚皮，味道麻中帶辣，惹味；仲有鬼馬墨魚滑，外脆內軟，好過癮。
冬瓜豆腐海鮮燉湯：天時暑熱，呢個冬瓜燉湯啱晒飲啦，可以袪濕消暑；用咗好多材料，海鮮嘅鮮味好出，飲完一d都唔覺得口渴。
湯底揀左壽喜燒：用A5和牛砌成玫瑰花形狀，賣相好吸引，湯底清甜，味道同和牛好夾。
北海道大元貝牡蠣海鮮拼盤：店員會用計時器計時，務求客人進食時，牡蠣處於最優質狀態，仲會幫客人即場開牡蠣，好貼心呀。
黑樺牧場精選層架：第一層有花形嘅和牛；第二層有五花肉；第三層有手打蝦滑& 墨魚滑。呢個靚靚層架用黎打卡一流呀。
食完前菜，之後用QR code 落單，選擇都幾多，我地主要係想食和牛，揀左其中5款和牛，包括特上霜降小排、肩胛梅花、美國特選牛板腱、牛頸脊、玉子後腰肉。全部和牛油花豐富，好juicy。
特上霜降小排：油脂豐富，牛味濃郁。
肩胛梅花：脂肪較小，帶筋，肉質軟嫩得嚟帶點嚼勁。
玉子後腰肉：和牛沾上蛋漿再放落鍋到碌，肉質口感更順滑；牛頸脊肌肉較多，油花較少，口感較結實。
美國特選牛板腱：而比較少脂肪，肉質嫩口帶點嚼勁。
個人最鍾意特上霜降小排口感，牛味濃郁，口感勁juicy。另外，餐廳有提供自助沙𣲙，仲有特色冷泡茶同埋好多款雪糕可以揀呀。食左好多高質嘅和牛，真係又開心又滿足呀。
🔎黑樺牛 (尖沙咀)
📍尖沙咀堪富利士道6-6A號爵寓1樓
張貼
