地址：尖沙咀加連威老道46-48號恆隆銀行大廈地舖及閣樓
日式居酒屋相信大家都食唔少🏮，但喺居酒屋嘅日式料理放題你又試過未呢😎？尖沙咀和道屋近呢一年推出咗半放題「極尚套餐」，只需要午市$388或晚市$498，就可以食足90分鐘或2個鐘嘅豪華日式料理半放題，包括麵包蟹、北海道蟹腳、刺身、串燒🍢，當中壽司可以任叫，晚市鍋物肉類同廣島蠔一樣比你食到夠，吸引咗唔少人專程去豪食一餐🤩
平日午市過嚟見到餐廳坐咗好多客人，依我所見每一枱都食緊半放題套餐，都make sense嘅咁高質大家又點會錯過😍？一個人嚟都唔緊要，同餐廳樓下嘅無臉男一齊食都得😝，值得一提嘅喺啲Staff好Nice，因為第一次食呢個半放題，店員好細心咁逐一解釋呢個餐俾我哋知
頭盤先送上和風沙律同五色刺身海膽甜筒，將海膽、吞拿魚、油甘魚、三文魚、吞拿魚蓉塞滿薄脆嘅甜筒🍦，刺身嘅綿滑十足十好似食緊鮮味嘅雪糕咁。之後就可以喺三款前菜度揀一樣：
有新鮮三文魚、油甘魚、吞拿魚赤身、真鯛同鮑魚嘅雜錦刺身盛；
奶滑鮮甜而且一啲都唔腥嘅日本直送兵庫縣生蠔4隻🦪；
或者精選串燒拼盤，是日6款串燒有雞軟骨、焦糖菠蘿、雞全翼、軟嫩A4和牛、冬菇同厚切牛舌🐮，全部都喺由師傅即燒🔥，鹹香熱辣辣夠晒惹味👍
主菜可以每人揀一隻浜燒北海道蟹腳或者日式櫻花木煙燻麵包蟹🦀，
個人大愛前者超厚肉蟹腳，清甜多汁嘅蟹肉帶有陣陣海水鹹香🌊 ，食落去啖啖肉，個人強烈推薦😏；
後者就有豐富蟹膏，不過就比較多蟹殼同殼衣
再嚟嘅喺12款任食即握壽司🍣，當中我自己比較鍾意火炙A4和牛、火炙左口魚邊同極上吞拿魚腩壽司，加上所有米飯都喺用赤醋醃製，微酸開胃更加好食😋；
另外午市有限量日式鍋物，宮崎A4和牛、北海道米豚、廣島牡蠣每人每款都可以嗌兩碟🦪，湯底我就揀咗海膽龍蝦湯底，將龍蝦慢火煮成湯🦞，加入口新鮮海膽同豆奶夠鮮味濃郁，晚市嘅話火鍋主食仲可以任叫添🍲
臨走之前仲有紅豆雪糕食，順帶一提我哋加咗個$68任飲無酒精飲品🍹，加$98再包埋4款Sake同1款生啤比你任飲，
試咗杯樂天菠蘿蘆薈同日本巨峰提子梳打🍇，清新解渴透心涼，飲完成個人gur晒😆，自問喺大胃王嘅你千祈唔好錯過喇‼️
