日山 (合和商場)

星期五收工約咗一班朋友收工聚會，順便來個小酌談心！朋友介紹我哋去灣仔合和酒店新開的日山，佢本身都好多間私人房用黎食飯，不過我哋人數多所以店員預留一間和式懷舊風十足的房間，塌塌米座位、吊燈及傢俬都係日本空運過嚟，好打卡，坐得幾舒服，私隱度夠高！


今次試咗梅同竹套餐，包括前菜、溫物、壽司、壽喜燒及甜品。喺開始之前我們點了清酒，仲可以自選清酒杯及筷子。

1

前菜一共三款，八爪魚漬、水松及巴馬火腿芝士。壽司亦有三款，鵝肝A5和牛壽司、海膽A5和牛壽司及魚子醬牛肉卷。壽司飯size適中，味道有驚喜！

前菜

壽司三點盛

最令我印象深刻就係壽喜燒，選用熊本黑毛和牛「和王」，西冷肉質粉嫩，仲有埋證書，而且有專人烹調！和牛入口淡淡油香，牛味濃郁！壽喜燒亦可以配白飯或冷熱稻庭烏冬。中，人夠多自然可以試晒飯同烏冬。食完和牛，職員會烹煮野菜，野菜掛滿牛肉及壽喜燒汁精華，味道濃郁，好好味！

熊本黑毛和牛  -  西冷&肩胛

食到好滿足，餐廳好貼心送上解膩甜品 - 水蜜桃雪芭及粉紅色菠蘿，味道酸甜清新！最後嚟個驚喜生日蛋糕作晚餐總結。

甜品

整體味道、服務好好，店員耐心介紹清酒種類及和牛，而且環境適應，好適合一班朋友去！