那個ㄋㄚˋ ㄍㄜ˙ (埃華街) (已搬遷)

之前成日都係ig見到人地去那個到食，望落塊排骨勁正，所以搵日得閒我就約左朋友去試。果日平日12點左右去到，都已經排曬長龍，最尾應該排左超過半個鐘先入得去，認真非常人氣。不過食到佢個便當，完全覺得排咁耐都係值得既！真係好好好食😋暫時係我係香港食過覺得最高質既台式便當。  
 

1⃣️那個滷排骨便當（$66）

那個滷排骨便當

$66

絕對係比滿分！好正啊！之前上網睇過呢度既排骨係先炸後滷，咁樣會入味啲同埋肉質會嫩滑啲。  塊排骨超大塊，切好左一塊塊方便人食，味道真係超正，好入味，佢既滷汁係有少少帶甜既，唔會好鹹，滷排骨層炸衣索曬啲滷汁既香味，超好味，宜家諗翻起都留曬口水🤤唔止味道好正，佢快排骨既質地都好好，食落唔會太韌太鞋👍  仲有一樣好加分既就係佢每日既便當都會有5 款配菜，日日都唔同，我果日就有蒜香高麗菜、紅腐乳粉絲、三杯野菌、溏心蛋，動同埋是日涼菜。樣樣野都好好味！每啖飯都有唔同餸可以食到，味道好豐富😍  如果我係住附近既話我應該會日日黎食🥰  

2⃣️那個滷香雞球便當（$66）
 

那個滷香雞球便當

$66

呢個係好正！雞球有三大舊，真係好大舊🤩調味方面就同滷排骨一樣，用左啲甜甜地既滷汁，索曬啲味係層雞皮到，超正！  同埋呢個雞球入面啲肉仲係好話，一啲都唔乾，食落仲保留住啲肉汁！超正！