匯倫館私房菜 (已結業)

旺角呢間中餐廳好高質啊，有好多好吸引既中菜。今次點左咕嚕肉、紅燒乳鴿同埋一品海皇煲。咕嚕肉用半個菠蘿裝住，視覺效果好好，打卡一流。佢嘅醬汁調得好好，酸酸甜甜，啲菠蘿甜得黎又唔會嗆口。另外仲有呢個好豐富嘅一品海皇煲，入面落咗好多料，有唔同嘅海鮮包括魷魚、帶子、蝦等等。另外仲有西蘭花、白菜、粉絲、菇等，超級健康。啲湯好清甜，正！最後，當然要點埋呢度嘅招牌紅燒乳鴿，佢個皮燒到好香好惹味，記得要趁熱食。配埋汽水，嘆！