花居酒屋 (已結業)

難得同屋企人去荃灣食飯，見到呢間居酒屋就試下啦！刺身件件都係超厚切，同勁新鮮！一蚊落口就勁滿足，最愛係帶子，鮮甜大粒！壽司好正，平時啲壽司好多都得好細舊魚生，但呢間係魚生大過舊飯好多！食落口時啲魚既鮮味唔會比啲飯味蓋過左！牛舌不嬲係我最愛！呢到既燒牛舌好juicy，入口即溶，鍾意食牛舌既人一定要試下呀！燒牛肉沙律最驚喜既唔係燒牛肉，而係個沙律！啲菜好新鮮，同啲炸蒜一齊食意外地好夾😂呢個係必食！外面既蛋甜甜地，咬到去入面既明太子咸咸地又辣辣地，味道好有層次，想食完一舊又一舊❤️冇諗過上面啲海膽份量咁多，而且好鮮甜，攞黎餸飯食一流！有牛油果既手卷好fresh好消膩