八沢 (杏花新城) (已結業)

同老公行行下街想搵餐廳醫肚，見到呢間餐廳價錢平民啲相又幾吸引咁，即刻上網睇下食評，啲評語都幾正面，一於試吓🤗黑松露忌廉海鮮烏冬，第一次幫襯當然叫返餐廳既signature dish喇🤤 忌廉湯底真係好smooth 好creamy，出乎意料地好味😍 海鮮有三塊三文魚同埋兩大粒帶子，幾鮮甜好味，烏冬煙韌彈牙，真係同普通烏冬唔同質感，好驚喜🤩老公揀左個八沢咖喱吉列豬扒飯，豬扒份量足夠，炸粉唔會太厚岩岩好，最緊要啲咖哩汁無淋係啲豬扒上面，保持豬扒脆口😆，日式咖哩唔辣，好容易就撈晒啲飯黎食，清碟😋飲品叫左奶茶，正常無乜特別😃唔係特別難飲已經收貨😂個烏冬真係超高CP值，十分推介要一試，忌廉迷大愛😍