泰園 (已結業)

經常同女友起食西式或者中式既brunch，第一次同佢試下泰式既brunch 頭盤任食已經夠吸引，竟然仲有刺身同生蠔 一落完單，海鮮冬蔭功好快就上到枱 一碗湯有一隻大蝦 飄黎陣陣既椰奶香~材料超足。不過可希望再熱啲。泰式魚餅係我無論幾時食泰國嘢都必點既小食，呢到既魚餅夠香，夠彈牙，以brunch黎講，已經比其他好好多。而肉碎生菜包係我女友必食，佢食得好好味，但我覺得唔夠辣，缺少左啲特式。燒牛肉沙律其實個汁係好食，但係啲燒牛肉過左火，比較靭難咬。跟著就黎左4款刺身，生蝦夠爽身，帶子鮮甜，生蠔新鮮，三文魚夠甜，完全滿足刺身癮 主菜嗌左咖喱蝦，一上枱就有好重咖喱味，蝦身夠甜，蝦頭爆膏，不過汁比較稀有咖喱點可以無薄餅 薄餅有好重既牛油味，配合埋個咖喱，真係多多都食到，不過薄餅無得添食 另一個主菜要左個泰式豬手，肉質好稔，連皮都入口化開，肥肉位肥而不膩 已經好飽，但係仲有甜品 本身有個榴槤綿綿冰，但係我地無人食榴槤，個侍應好好人，幫我地換左件千層糕 千層糕好煙靭 清甜滑身 黑白糯米飯有好香椰奶再加上酸酸甜甜既芒果，完全係為一餐畫上完美既一筆。