茶室

營業中

休息中

同客人開完會, 都已經兩點幾, 梗係搵d嘢食完先返公司啦~ 如果行去mega box又好似好遠咁, 離遠見到呢度樓下有好多牌, 似乎有嘢食, 於是行去望望, 見呢間咁啱有下午茶, 又係米線, 唔駛咁heavy, 就入去試試~其實佢全日都係做果十款左右, 只不過下午茶時段平些少, 但我相信份量絕對冇減少到, 因為下午茶都好大碗~ 肉骨茶湯米線 (走肉骨)雖則叫肉骨茶, 但果日唔食肉, 於是問佢可否走肉骨, 加多d其他餸, 誰不知冇問題不特止, 仲好多餸添, 真係超級抵食, 有好多粒豆卜、超大只冬菇、好脆油炸鬼、靚菜, 總之餸多過米線, 非常之飽同抵食, 個湯底又唔會話好勁藥材味, 啱我~ 熱香茅薑綠茶好難飲, 所以阿姐建議我地落糖, 不過我都冇落, 佢好勁香茅味, 反而冇乜薑味, 原來香茅都係適宜配豬扒或者雞翼做食品, 好過變做飲品囉~