同撈同煲

營業中

休息中

呢輪工作比較忙想食餐好啲嘅獎勵自己，於是就約咗個好耐冇見嘅朋友出嚟九龍城打邊爐。一坐低就混醬，最愛蔥蒜嘅我，一定瘋狂咁加。湯底揀咗個鹹蛋芥菜，遠超期望，幾特別鹹鹹地可以連埋芥菜食。火鍋必點嘅牛肉，今次我哋order安格斯肥牛。脂肪分布平均，食落juicy! 正! 墨魚丸有誠意，食到好多墨魚粒，又大粒又彈牙，超讚👍🏻海鮮拼盤好豐富，有好多龍躉塊，蜆殼類，同帶子。抵食，咁豐富先$528，重點係海鮮好鮮甜，三個人食就啱啱好。熟咗嘅扇貝同貴妃旁，脹卜卜好juicy鮮甜。菜方面我地點了最喜歡的唐生菜，份量算多！店員落力推介懷舊糖不甩，我哋都點了一碟同埋啫喱杯。好鍾意啫喱上的雨傘裝飾，好得意😎啫喱杯超級好味吸引，頓時令我地回憶兒時的味道。今晚的食物質素及服務令我地非常滿意！回頭率100%。