元札幌拉麵 (宇晴軒商場) (已結業)

早兩日去荔枝角交收，順便行下宇晴軒商場，見到呢間元札幌拉麵，裝修感覺唔錯，幾有日本風味，一於坐低試下～日本的綠茶可樂～比普通可樂冇咁甜，多了一份清新口感，通常見到ｍｅｎｕ有我就會飲～可以散叫，也可以按松、竹、梅、菊的分類點套餐，套餐會更抵食，大胃王記得留意！一個人獨食嘅我揀咗松+梅餐，$108自家製餃子（小）一個人食4隻餃子其實都唔少😂皮薄而且幾滑，一咬落去肉汁就漏出來，係正嘅👍🏻🌶地獄拉麵嗜辣魔人誠意推介，真係好。夠。辣！我食第一啖果陣呆一呆，呢個程度係辣過一般嘅中辣，不負地獄之名👍🏻叉燒質素都唔錯，仲有埋溏心蛋添！