阿杏飯團 (富時中心) (裝修中)

想當年香港都有間連鎖專賣飯團店，細個嗰陣都好鍾意食😆 又方便又多選擇，感覺別有一番風味💕見到呢間台式飯糰即刻覺得好心動😆台灣過江龍到香港都有段時間～最近終於有時間專登去食🤣 呢間飯團外賣店都幾特別，佢入面都幾多打卡位，櫻花樹啊個啲～真係幾靚🌸 等緊飯團嘅時間喺度影吓相都唔錯😆💕新宿燒汁牛扒飯糰🍙 芝士雞扒飯糰🍙 食緊嗰陣真係好有媽媽的感覺💕 就好似媽媽永遠驚你餓唔夠營養，就將所有好食有營養嘅材料都包埋一齊😆 成個飯團好足料超級飽，咁多材料都意外地夾😆 兩個飯團入面配料都差不多，都係紫米飯，有粢飯材料、沙律等等，真係估唔到簡單的飯團都可以咁有營養😯 第一啖食落去，係充滿紫米飯嘅香氣，感覺好獨特～（返到屋企即叫媽媽試吓煮紫米飯😆）芝士雞扒入面仲有火腿，芝士嘅鹹都為飯團帶有獨特口感，大推👍 燒汁牛扒食落去好惹味，雖然係全熟嘅牛扒，但係一啲都唔靭👍 燒仙草茉莉～椰果四季春買飯團再加飲品有八五折👍 而且仲超大杯真係抵😆 燒仙草嘅份量有一大半，真係啖啖都有料😆 佢飲品唔會太甜～茶香味都幾濃😆 配飯團都真係唔錯🥰