玉

慶祝婆婆大壽🍑🍑Jade 自訂餐單 （套餐 + a la carte)服務非常好，本來book左間12人房，但餐廳見我地有14人俾左間20人房我地😊食物質素唔錯，雖然同米芝連比一定有差距但都算正常5星酒店水準。服務可以話係一流，所有waiters都好細心。脆鱔好正，片皮鴨就一般（叫左盡量片多啲肉，最後都係皮多，同埋有少少肥膩）但二食的鴨鬆唔錯👍🏻蟹蓋好多蟹肉，但芝士稍為濃味cover左蟹的鮮甜，都係唐閣個蟹蓋最好食，呢間就以份量取勝（食完飽左一半😂）其他比較出色嘅係雞絲花膠羹，蝦球超大隻👍🏻，鮑魚飯好好食同好欣賞無渣嘅紅豆沙，紅棗糕亦做得唔錯。另外訂左芒果拿破崙，同香蕉拖肥蛋糕慶祝（係酒店訂可免切餅費）2個cake都好好食（需預最少48小時前訂購，remark pick up酒店會直接送上餐廳）酒店用餐有3小時免費泊車，雖然我哋食到超咗3個鐘，不過都waive左我哋泊車費❤️總括黎講係食得非常舒服的一餐😊