花果園餐廳 (已結業)

最近幫襯左幾次黃店【花果園餐廳】，食物外表看似平平無奇，但食得出其心思同真係好健康！早午餐選擇超級多，奄列/常餐/歐陸早餐應有盡有，Lunch仲多選擇，是日精選/皇牌沙律組合/番茄湯/魚湯米線，真係要睇一陣先決定到食咩。鮮竹墨魚卷番茄濃湯米線 $46番茄湯底清甜健康，米線較硬身，係我中意的口感。鮮竹、墨魚卷亦非常足料，墨魚卷大概有6件，質感又香又彈牙，食出淡淡的鮮味，鮮竹超多片，浸到軟身但唔會過爛，整體覺得好好食而且無味精。日式餃子魚湯米線 $44用魚湯熬制，特別鮮甜美味，配搭超多的酸菜、芫荽，加添食材香味，亦有助解膩消化。餃子有4隻，煎得熱辣辣但未夠香脆，豬肉餡料幾好味。