喜鍋 海鮮‧火鍋‧小廚 (已結業)

今晚出咗旺角睇戲，六點幾睇完，就周圍睇下有咩好食啦。行下行下，就俾呢間喜鍋吸引住。雖然天氣唔係好凍，但都無阻我地去打邊爐

（其實係比佢個招牌花膠鯊魚骨膠原湯鍋吸引左！骨膠原喎）

入到去，茶仔咁嘅格局，再加幾張卡位，心諗點解打邊爐鋪頭竟然冇大圓枱？！問左下老闆，原來大枱同埋房間都係樓上。

睇下張食物紙，價錢唔貴喎，而且餐前小食同湯底都好多選擇！湯底好多款都好正，選擇困難症又發作。。不過既然一心要試骨膠原湯鍋，咁其他就留返下次啦 （杏汁燉豬肺鍋真係好吸引。。）

老闆叫我地like Facebook, 跟住就送咗個麻醬冰菜俾我哋，淸新醒胃！

麻醬冰菜

我哋叫咗蟹籽墨魚油炸鬼。呢個小食上枱熱辣辣，油炸鬼香脆，墨魚滑爽口彈牙，再加埋面頭d蟹籽，口感非常豐富，真係必食嘅小食。

蟹籽墨魚油炸鬼

$58

跟住其他打邊爐嘅嘢都上枱啦！
成枱都係嘢食幾開心

講返個湯底先，真係非常足料，花膠、鯊魚骨、豬手、雞腳等等，湯頭好鮮味，未開始打邊爐已經各人飲左兩碗湯同食咗好多湯料

招牌花膠鯊魚骨膠原湯窩

$168

呢個馬貝係時令海鮮，又係必食推介，師傅已經切左片，淥10幾秒就食得！味道鮮甜，肉質爽脆，唔點任何調味料食就最正。

韓國馬貝

$48

呢碟頂級安格斯牛頸脊勁抵食，$168係細size嘅份量，但其實都有好多好多片(呢度已經食左1/3)， d雪花紋好細緻平均，肉質嫩滑得黎又有咬口，真係食到停唔到口

頂級安格斯牛頸脊（小）

$168

之後點都要食返啲菜, $28一碟唐蒿新鮮份量都唔少！

唐蒿菜

$28

最後再食埋個花膠湯撈脆脆泡飯，個泡飯吸哂個湯嘅精華，真係食到好飽好滿足

甘香泡飯