泰燒遙 (已結業)

今晚一行11個人加兩嗰小朋友，一早已經打定電話book定枱，目的係幫朋友慶祝生日一早已經聽聞諾士佛台樓上有一間食泰國菜好好食嘅，只係一直都冇時間嚟幫襯，因為平時食開泰國菜都一定會去九龍城多謝朋友嘅生日我哋終於可以一大班人聚在一齊事先我已經訂定蛋糕，一早去到放低個蛋糕🎂然後就坐低嗌嘢飲先，嗌咗杯青檸梳打先🤪🤪🤪朋友陸續嚟到，終於可以嗌嘢食啦⭕️柚子大蝦沙律⭕️生蝦⭕️紅咖喱⭕️串燒拼盤⭕️重點推介烤牛扒，真心好食！⭕️名爐蒸烏頭魚⭕️泰式海南雞⭕️泰式滷水豬手⭕️冬陰公⭕️海鮮炒金邊粉⭕️豬肉生菜包⭕️泰式鳳爪朋友仲要無限量嗌泰啤，坐得又舒服，最後店員服務態度真係好好，因為我走咗入廚房幫手點蠟燭，但係其實我哋張枱仲未執碗筷，店員話不如我幫你執好先，您再慢慢將個蛋糕拎出去！小小嘅窩心舉動，就令我對呢間餐廳留下深刻嘅印象！