佢地一試到有咩好味嘅，都會帶我去試，等我可以Share多啲出黎俾大家~！
今次一行四人，黎到尖沙咀金馬倫道 - 世界の山ちゃん，
交通十分方便！搭去尖沙咀站地鐵或去紅磡搭車都好方便~！
搵餐廳方面，絕對唔難！
因為佢門口塒燈牌大的驚人！
到了！落樓梯嚕~！
連碟，筷子都有公仔~ 哈哈！好可愛！
大家有冇留意？山ちゃん除左個頭之外，身同腳都係雞黎咖！哈哈！
廚師沙律 HK$58
菜，蕃茄，青瓜，超新鮮！
小妹最愛嘅薯蓉波都好好味！
香炸竹輪海苔卷 HK$48
淡淡紫菜味，外脆內軟~ 完全不油膩！好好味！
夢幻雞翼 HK$48一份 (此碟係兩份)
隻雞翼有啲細隻，因為平時食開啲美國雞翼，牛乸咁大隻！哈哈！
(枱上有張雞翼指引，我地全員放棄~！哈哈)
味道真係好好！但唔係好識形容....係孜然味？七味粉？
完全唔知佢係點調出黎的！
另外，雞翼表面炸得好乾身，拎上手食，手指都唔會油澿澿！
雖然表面乾身，但內裏肉質仍然好嫩滑！
小妹一向唔多食雞翼尖的！今次食埋~！真係好正~！
燒靖魚 HK$98
一上枱，無諗過咁大條！
燒得好好！表面乾身，魚亦好肥美！
燒汁濃度非常洽好！
豬肉鐵板燒 HK$108
衣個鐵板燒好特別！其實有啲似豬肉鍋~
特別之處係佢鍋底係乾身，係靠菜嘅水份煮出來，
而菜又新鮮又好甜，豬肉都好新鮮！厚度，肥度亦剛好！
整個鐵板燒都非常讚！
1
泡菜炒飯 HK$58
日本米已經較飽滿，有埋泡菜，微微辣，炒到粒粒分明！
真係不錯！
名古屋鐵板拿破崙意粉 HK$68
衣個係唯一一個比較冇咁好的，
雖然冇咁好，但都係唔差！
只係比較普通同埋佢係日式偏甜嘅茄汁~
水蜜桃特飲 HK$28
好味！味道一啲都唔假！大愛！
茉莉梅酒加冰 HK$55
朋友的~ 佢大讃！話下次要再點過~！
重有兩杯飲品影唔切，加埋今餐共HK$607.00
另外，餐廳環境既乾淨又舒適~
幾個朋友傾下計，食下，飲下都幾舒服~
重有，除左個鐵板燒外，所有食物都細細碟，
可能會有啲人會覺得唔抵，HK$60一個炒飯，得個少少，
但我地又唔多介意，因為佢真係好好味之餘，我地可以試多幾樣~
搵日要再去試下其他野先得~！
