Jacomax (已結業)

尋日同同事食lunch，諗到頭都爆，都唔知去邊度食好！大熱天時，經過一間食意粉Pizza嘅餐廳，直衝入去睇吓有乜好嘢食。坐低睇下咩料，餐廳裝修得好有特色，牆壁掛滿油畫，又掛有水晶燈，好有歐洲特色！我哋叫咗客三文魚意粉， 13吋pizza，同埋一客蒜蓉包。三文魚意粉好好食，個汁好濃，仲好多三文魚，意粉又夠彈牙，非常值得一試！jacomax pizza個皮夠薄又脆，料又夠多，已經嗌左個細size，但係都食唔晒要打包！呢個價錢食到呢個質素嘅Pizza，真係物超所值！最後，值得一提嘅係蒜蓉包，蒜蓉包好香又鬆脆，堅香口。總括來講，呢間西餐質素一流，價錢又平，會在返兜👍🏻👍🏻