Second Bite Bar & Cafe (紅磡灣中心) (已結業)

早排知道Second Bites喺紅磡開咗分店 急不及待約埋朋友嚟試吓🍴兩間嘅風格/Menu都有唔同 長沙灣店比較型格 主打bar and grill🍖而紅磡就係小清新嘅裝修 有綠色植物點綴 好relax☘️提供西餐美食 另外仲有生酮/素食菜式可以選擇 ▫️鹹蛋黃金雞翼熱辣辣上枱 香噴噴🤤表面炸到金黃色 入面充滿肉汁 鹹蛋黃味香濃 個汁調得好好 唔會太稠太膩 ▪️2nd Bites招牌煎肉餅脆蛋漢堡好有創意👍🏻幾隻蛋煎埋一齊 蛋黃仲係流心 最特別係個蛋邊 煎到好似蠔餅咁 好酥脆🍳而肉餅就好地道 係腐乳味嚟㗎😍對於呢個新鮮嘅配搭 我表示十分滿意 仲有生菜同蕃茄 所以食落一啲都唔膩 伴碟嘅有沙律/薯條同埋番薯條 勁豐富 夠晒滿足作為一間Bar & Cafe 除咗酒之外 仲有好多飲品選擇🍹芒椰冰冰係店舖推介 椰味濃郁 入面有芒果肉 啱晒夏天☀️另外鮮奶綠茶香濃順喉 夠晒滑