角落咖啡廳 (已易手) 新餐廳

第二次嚟到「角落」呢間餐廳！感覺依然係好靚好舒服，隨便影都可以影到超多靚相，而且音樂柔和寧靜，感覺好chill ~今次就帶埋朋友去試吓佢哋嘅晚餐！《美國PRIME 肉眼扒配椰菜花飯》最鍾意食呢個肉眼扒，表面煎得好香，塊扒又夠厚，最重要係唔肥、冇乜跟！側邊配埋個椰菜花飯，有好香嘅忌廉味！《意式香草烤雞配蜜糖燒汁》烤雞大隻又多肉，因為呢間餐廳注重健康，所以烤雞無太多雞皮，而且唔會有過多嘅調味！佢仲配左好多薯條🍟，上面灑上好香嘅調味料，而且又粗又大條，正呀！🤤《奶茶蛋糕》欣賞佢擺盆非常之靚，味道清清地唔會好甜，健康之選！如果茶味再濃啲會更好！《生酮芝麻巴斯克芝士蛋糕》而家興生酮減肥，邊個話減肥唔可以食芝士蛋糕🍰？呢個蛋糕好香芝麻味，然後仲有陣陣芝士香，味道唔甜，最啱我呢啲怕肥嘅女仔！《Matcha Latte》抹茶latte 係我嘅至愛，呢度仲可以將鮮奶轉做燕麥奶，味道清新、唔甜，夠健康！《Strawberry Lychee Green Tea》帶有少少士多啤梨🍓同荔枝味嘅綠茶，茶味清新自然！