越滿居 (已結業)

上星期日中午, 去了鳳琴街附近看看有甚麼好食. 記起這兒有一間開了不久的越南餐廳叫越滿居評價好像不錯, 所以和老婆選擇了它為午餐的地點.入到店內, 發覺店子的size很細, 但就放了很多的桌椅, 已經有很迫夾的感覺. 因為是中午, 所以有午餐供應, 我要了一碟香茅豬扒飯, 送牛肉湯或雞肉湯的菜一碟. 而老婆則點了香茅豬扒凍檬.食物一放下來, 就立即有一種感覺, 就是唔抵食! 因為不論是跟飯還是跟檬, 豬扒均細件得可憐, 塊豬扒已經夠細了, 仲要切成細細件, 所以每小件的豬扒更覺細, 連我一貫唔大餸的人都唔夠餸食. 這是我吃過最細件香茅豬扒的一次. 除了細件之外, 豬扒本身亦唔夠香. 老婆的撈檬配菜亦非常之小, 只有些生菜絲之類的東西, 跟同是越式餐廳的邦美蜀相比份量和味道上差得遠. 這個所謂的午餐吃完一點都唔飽, 亦不滿足!我唔知其他的食評說這兒不錯是不是因為晚餐的質素和份量比較好, 但如果單從這個午餐的經驗來說, 就一定令我不會再來.