影片
更多
2020-12-10
108 瀏覽
呢幾日又開始禁咗堂食晚市，好彩之前喺寶林食咗呢間新開嘅韓國菜，質素唔錯，將軍澳來講性價比都幾高！希望快啲有返堂食，再有機會出街食晚飯！店內主打韓國新派料理，亦有唔少家庭菜式選擇，都幾多款式，人均價錢唔貴，大約百零蚊左右，今次我哋兩個人嗌咗三款菜式加兩個小食及兩杯飲品，都係三百零蚊，去尖沙咀韓國街嗰邊都唔止呢個價啦。一坐低未嗌嘢食，已經送上兩款前菜，醬油魚仔同中華沙律，未食已經感覺窩心，服務非常好！先嗌一個邪惡到爆嘅拉絲芝士豬仔髀，見到有唔少客人都嗌呢個，味道應該有返咁上下。一上枱就見到鐵板上有4色芝士，加埋蜜糖汁炮製嘅豬仔髀，一上枱已經覺得興奮！而且味道唔錯，豬仔髀好香，蜜糖汁甜甜地好開胃，加埋拉絲嘅芝士真係幾正，芝士味濃得嚟同豬仔髀好夾。牛骨蘿蔔湯嘅味道就較為清爽，但係好濃牛味，用咗牛仔骨同牛肋肉，有兩種口感，蘿蔔吸收晒牛骨湯味，真係想嗌碗白飯，可惜太飽。至於呢個鐵板香辣魷魚筒，一上枱就出晒煙，咋咋聲咁，未食已經聞到好香，魷魚吸收晒辣汁，但係一啲都唔韌，底下嘅炒雜菜味道都好惹味。而且小食仲做緊優惠，一口炸蝦餅同埋呢個鮮蝦帶子春卷，每款都係十零蚊，平得來味道都唔錯，尤其係春卷入邊嘅蝦肉
店內主打韓國新派料理，亦有唔少家庭菜式選擇，都幾多款式，人均價錢唔貴，大約百零蚊左右，今次我哋兩個人嗌咗三款菜式加兩個小食及兩杯飲品，都係三百零蚊，去尖沙咀韓國街嗰邊都唔止呢個價啦。
一坐低未嗌嘢食，已經送上兩款前菜，醬油魚仔同中華沙律，未食已經感覺窩心，服務非常好！
先嗌一個邪惡到爆嘅拉絲芝士豬仔髀，見到有唔少客人都嗌呢個，味道應該有返咁上下。一上枱就見到鐵板上有4色芝士，加埋蜜糖汁炮製嘅豬仔髀，一上枱已經覺得興奮！
而且味道唔錯，豬仔髀好香，蜜糖汁甜甜地好開胃，加埋拉絲嘅芝士真係幾正，芝士味濃得嚟同豬仔髀好夾。
牛骨蘿蔔湯嘅味道就較為清爽，但係好濃牛味，用咗牛仔骨同牛肋肉，有兩種口感，蘿蔔吸收晒牛骨湯味，真係想嗌碗白飯，可惜太飽。
至於呢個鐵板香辣魷魚筒，一上枱就出晒煙，咋咋聲咁，未食已經聞到好香，魷魚吸收晒辣汁，但係一啲都唔韌，底下嘅炒雜菜味道都好惹味。
而且小食仲做緊優惠，一口炸蝦餅同埋呢個鮮蝦帶子春卷，每款都係十零蚊，平得來味道都唔錯，尤其係春卷入邊嘅蝦肉好彈牙，配埋醬汁都幾好！
另外我哋仲加咗兩杯嘢飲，分別係碟豆花特飲同埋百香果桂花烏龍，賣相都好精緻，我比較推薦嘅係碟豆花特飲，有淡淡的果香同碟豆花味，配埋梳打，都幾開胃醒神。
張貼
