貴州遵義黔營羊肉粉 (利群大廈)

營業中

休息中

通常係香港都未必會食到好正宗嘅大陸美食，想食嘅話起碼都要返深圳，就比較麻煩，口痕都冇得即刻食到。前幾日經過女人街果邊，見到呢間鋪，真係裝修得勁有中國特色，勁靚，完全打敗咗旁邊d茶餐廳。本身以為會幾貴，點知行近一望，一碗羊肉粉先42蚊！！食個譚仔都貴過佢🙈同埋佢d粉勁彈牙，有d似米線，但又粗過米線，總之好好食啦最重要係佢d湯底，真係搵羊肉煲架，d湯既羊肉味岩岩好聽老闆娘講d湯每晚都會重新煲，唔怪得咁有鮮味！真係良心食店！如果要挑剔，我就覺得間舖嘅位置有d隱蔽，俾前面d檔擋住咗，真係禾稈冚珍珠呀！不過真係極力推薦大家去試下！