🐣麻辣雞煲 半隻 $84
半隻雞份量都幾多，要咗小辣🌶️雞肉食落好滑好入味，辣得嚟有少少麻，但唔會好辣，好惹味，非常之香，超正呀😋呢個雞煲算係比較乾身嗰啲，所以越煮越香，逼曬啲雞油出嚟，就連啲洋蔥🧅青椒🫑都唔放過😂半價真係超超抵食😋👍🏻呢個優惠星期一至四先有嘅🙌🏻食完仲可以打邊爐㗎，配料選擇都幾多🙌🏻
👫晚市二人餐 $168
(小菜x2, 白飯x2, 飲品x2, 送雞蛋粟米羮）
🦑七味椒鹽鮮魷
新鮮熱辣，炸粉好薄，唔會好油👍🏻食落好香口，好新鮮！平時都係食開椒鹽，呢個加埋七味粉，就仲惹味，正😋送酒真係一流！
🥬金銀蛋肉碎浸菜苗
好大碟，有皮蛋、咸蛋、肉碎，好足料🤤菜苗食落好嫩冇渣，啱曬呢啲咁熱嘅天氣食😋
🐷五香滷水豬髀
雞蛋粟米羮+$30就可以轉猪髀啦😝原來又係好大份！猪髀炆到好淋，食落好滑，唔會好柴，滷水汁味道非常適中，皮連肉一齊食最正😋
🍻獅威 $21
惹味小菜配搭啤酒，抵飲👍🏻
總結💕餐廳環境乾淨企理，冷氣足夠，卡位好闊落！整體食物質素非常高，好味得嚟又大大份，冇茶介，冇加一，食咗咁多嘢，埋單$300，呢個價錢真係超級抵食‼️餐廳食物種類選擇都好多，雞煲、小菜、烤魚、海鮮加工服務都有
