極品煮意 鷄煲.烤魚.火煱 (已結業)

喺葵芳有一間超級抵食嘅任食火鍋， 佢可以揀雞煲，烤魚或者湯底火鍋 ，我最後揀咗老乾媽烤魚 ，嗰條烤魚超級大條，兩個人係絕對食唔曬 ，加上佢有好多小食 ，一坐低就可以即刻食，啱曬肚餓嘅朋友。 佢條烤魚烤得好入味，平時我都唔食魚皮，但我今次竟然連魚皮都食埋， 魚肉仲要好滑。餐前小食都已經有好多選擇 ，佢嘅炸薯餅好好食， 係新鮮炸起脆卜卜 唔會好似其他餐廳咁擺咗好耐已經林曬 ，仲有佢嗰個手拍青瓜醃得好入味 ，不禁令你食完再食。火鍋配料都好多種類， 我建議揀啲好吸湯味嘅配料去食烤魚， 例如蘿蔔豆卜午餐肉等 佢哋吸曬烤魚嗰啲老乾媽湯味， 非常好食，完全唔需要再點豉油。