影片
更多
2007-10-23
9 瀏覽
我係2007年9月22日下午3時半左右去到呢間衰店用膳，期間受到不禮貌對特，深感呢間衰店o既職員態度超級差劣!!!(一) 當日負責接待的知客(無名牌，各稱不詳，但操不純正廣東話) 態度惡劣，我企係接待處等佢帶位，佢望都唔望我，我等o左成分鐘都係咁，直至我開聲，佢先問我幾位，但態度輕挑，口嚼香口膠問我，行為極為市井。(二)到坐底o左，有個女樓面又係態度惡劣:我問: 請問點心紙係得呢2張啦?佢答: 係呀，係晒度。我問: 呢個鐘數係咪冇小籠包同鍋貼供應o架? 佢答: 咩冇呀，有，張紙咪寫o左囉!!! 自己睇啦!我問: (我都已經開始勞氣) 冇呀，唔見張紙有寫，你搵俾我睇o下。佢答: (一手搶o左張點心紙搵，so far真係冇)，哦! 我o地轉o左經理呀嘛!我問: (我心諗，喂大佬，你轉o左經理同你有冇小籠包鍋貼供應係兩回事)，咁點呀? 佢答: 你咪照嗌囉! 你嗌咩都有呀!(三)食食o野有個好似唔知部長定Manager o既女人行埋o黎，一埋o黎就“啪”一聲放底一本o野，之後講: 多謝三百六大幾!嚇
(一)
當日負責接待的知客(無名牌，各稱不詳，但操不純正廣東話) 態度惡劣，我企係接待處等佢帶位，佢望都唔望我，我等o左成分鐘都係咁，直至我開聲，佢先問我幾位，但態度輕挑，口嚼香口膠問我，行為極為市井。
(二)
到坐底o左，有個女樓面又係態度惡劣:
我問: 請問點心紙係得呢2張啦?
佢答: 係呀，係晒度。
我問: 呢個鐘數係咪冇小籠包同鍋貼供應o架?
佢答: 咩冇呀，有，張紙咪寫o左囉!!! 自己睇啦!
我問: (我都已經開始勞氣) 冇呀，唔見張紙有寫，你搵俾我睇o下。
佢答: (一手搶o左張點心紙搵，so far真係冇)，哦! 我o地轉o左經理呀嘛!
我問: (我心諗，喂大佬，你轉o左經理同你有冇小籠包鍋貼供應係兩回事)，咁點呀?
佢答: 你咪照嗌囉! 你嗌咩都有呀!
(三)
食食o野有個好似唔知部長定Manager o既女人行埋o黎，一埋o黎就“啪”一聲放底一本o野，之後講: 多謝三百六大幾!
嚇得我，我都未叫埋單! (果陣係下午4點幾)
之後果位女士仲好冇禮貌咁話: 係呀，依家4點幾，我o地要埋數o架啦! 你可以繼續食，不過一定要埋o左張單先囉!!!
waaaaaaaa 真係天下奇聞呀!
呢間衰店點做生意o架?!
差到死，不知所謂，我以後唔都幫襯呀一定!
仲會叫其他人唔好幫襯!
不知所謂!!!!
張貼