影片
更多
2018-08-19
1610 瀏覽
接到堅韓牛的傳單，派傳單阿姐話係新開張，任食韓燒火鍋雙放題二百幾蚊，仲有八折，加上見個名叫堅韓牛，唔知點解就好想挑機係唔係真係咁堅，一於約埋兩個friend去試下。雙放題有兩個唔同的餐選擇，分別係頂級韓牛餐同美國牛肉餐，時段就有三個選擇，17:30 - 19:20, 19:30 - 21:20, 21:30 - 23:30, 本來想試最平的17:30 - 19:20美牛餐（＄228, 韓牛餐要$288)，奈何放工趕到去最快都要18:00, 冇理由蝕半個鐘俾佢，加上兩個friend又話咁早食唔落晚餐，所以最後book了19:30 - 21:20, 韓牛餐$318, 美牛餐$258, 疊埋心水食美牛餐。可能係黃金食飯時間，上到去已經見到間餐廳好多人，好在有book檯！我按原定計劃食美牛餐，兩個friend就話既然間餐廳叫堅韓牛，想試韓牛，所以俾多D錢點韓牛餐。其實兩個餐都有超多野食，牛肉、豬肉、雞肉、海鮮、腸仔、菜、菇、粉絲烏冬、小食、炒粉絲、石鍋飯、大醬湯乜都有，又有前菜送，爭在韓牛餐可以點6款1++頂級韓牛～不過美牛餐超正係居然有安格斯牛食，放題有安格斯牛，真係好味到震！我齋點安格斯牛
雙放題有兩個唔同的餐選擇，分別係頂級韓牛餐同美國牛肉餐，時段就有三個選擇，17:30 - 19:20, 19:30 - 21:20, 21:30 - 23:30, 本來想試最平的17:30 - 19:20美牛餐（＄228, 韓牛餐要$288)，奈何放工趕到去最快都要18:00, 冇理由蝕半個鐘俾佢，加上兩個friend又話咁早食唔落晚餐，所以最後book了19:30 - 21:20, 韓牛餐$318, 美牛餐$258, 疊埋心水食美牛餐。
可能係黃金食飯時間，上到去已經見到間餐廳好多人，好在有book檯！我按原定計劃食美牛餐，兩個friend就話既然間餐廳叫堅韓牛，想試韓牛，所以俾多D錢點韓牛餐。其實兩個餐都有超多野食，牛肉、豬肉、雞肉、海鮮、腸仔、菜、菇、粉絲烏冬、小食、炒粉絲、石鍋飯、大醬湯乜都有，又有前菜送，爭在韓牛餐可以點6款1++頂級韓牛～不過美牛餐超正係居然有安格斯牛食，放題有安格斯牛，真係好味到震！我齋點安格斯牛都點佐4次，食到唔想停！仲有美牛餐送嘅前菜有韓牛LA骨，同安格斯牛肉感覺唔同，牛肉味勁D，又係好好食，另外送埋刺身同有個煲，基本上我齋食韓燒已經好飽！同埋好好好好食！我兩個friend都係，係咁燒韓牛食，結果最後我地居然冇食火鍋，因為真係食唔落！最尾送嘅甜品泡芙真係夾硬食！埋單三個人$800都唔使，平到笑！
本來接張傳單果陣見堅韓牛在旺角，諗住都係旺角一般放題水準，冇諗過真係咁堅！一定要再去，同埋唔可以掛住食韓燒，要約多幾個friend一齊去，韓燒同火鍋一齊食！因為見隔離檯夠六個人張檯就夠大，同時間放得落燒烤爐同火鍋，咁就可以同時間食雙放題！唔使我地而家四人檯咁，唔夠位擺兩個爐，諗住食完韓燒再食火鍋，結果控制唔住喪食韓燒，搞到食唔到火鍋！
張貼
