uen cafeteria (已結業)

朋友介紹呢間食芋泥多士好出名既餐廳，我地Lunch就衝過黎啦，間餐廳係工業大廈裡面，個鋪位好細，只有4-5 張台，我地竟然等左大半個鐘先有位有位啦，即刻點左出名既芋泥肉鬆多士、軟殼蟹多士同埋一個炸蕃薯條食。每份多士都切開左兩邊，個人覺得份量對一個女仔黎講太多，女仔share黎食好D，因為食完一邊多士已經好好好飽。最推介芋泥肉鬆多士，芋泥比較飽肚，加埋肉鬆更加不得了！而且熱辣辣既啖啖芋泥，好足料，比想像中更好味！缺點係實在等得太耐了！