新泰東南亞餐廳 (太子集團中心) (已結業)

朋友生日想食泰國菜，揀左黎呢度慶祝，一入門口見到d裝飾好有東南亞風格，心情即刻upup睇完個餐牌樣樣都好吸引呀！所以最後雖然我地只有兩個人都叫左好多菜椰子沙冰 - 非常之有椰子味，沙冰同泰國菜真係好夾，而且仲可以食到一粒粒既椰肉，正啊泰式酸辣鳳爪 - 風爪都既爽口，味道都好，不過好多我唔食既配菜，哈哈冬蔭功湯 - 好多料！不過我本身麻麻地冬陰功，鍾意食冬陰功既朋友話好夠味好飲泰式蠔仔煎蛋 - 好多材料，都幾好食但係唔驚喜終於講到今日主角 海鮮燒烤拼盤啦！上菜果刻我地哇左聲，因為真係估唔到會咁大碟！而且每樣海鮮都好大好厚肉好新鮮！有元貝，生蠔，白鱔，海蝦，菠蘿，每樣都有兩件。其中元貝同白鱔真係令我好驚喜，勁鮮甜彈牙！！好想再食多件，三百幾蚊黎講都唔算貴！