悅來酒店咖啡室 (已結業)

我今次係第一次寫食評,因為我真係好想大家去食之前可以參考吓. 我今晚同朋友慶祝生日一行7人用團購價$179+39.8(加一)去食之前都有睇食評,但係覺得有好大出入,首先冷盤有長腳蟹,青口,凍蝦,翡翠螺(有砂),少量生蠔諗住都算ok,到食熱盤行咗一個圈都攞唔落手.有咖喱猪,猪肉腸,似肉餅嘅牛肉,燒雞,是日薯菜(白汁薯仔),是日西湯,白粥,蒸魚翠肉瓜炒牛肉,白飯,仲有一個唔記得係咩,炸嘢有炸魚同炸蝦(不過我出幾次都話未有炸蝦)燒得好老的牛肉,粉麵,燉湯(只見出過一次). 因為選擇少同賣相唔吸引,所以食咗好少唯有轉戰我最愛的甜品,呢道先最唔抵有乳酪雪糕,杏仁糊,龜伶糕仲有d西餅(好似美x買$4果d). 之前睇食評有d字頭雪糕又有芝士蛋糕都無我2號去promenade食tea buffet都多嘢食過呢到,而且收碟慢...錯係無人收至啱除咗第一隻之後都係我攞完嘢食仲見隻碟係到所以攞埋去比d侍應. 都唔知係咪呢排做團購所以咁差,即使係團購價都唔抵食,如果志在同朋友吹水比$200幾蚊坐足3個小時又無妨,不過唔好期望食得飽