博多拉麵 (已結業)

上星期同女友去食，佢話新城市下面開咗幾間先食店，咁佢又話想食麵，咁咪去咗食囉。一睇個場，好明顯係人手唔夠！至少要請多一個人先夠。我地叫咗兩個拉麵晚餐：1. 小食：吉列蠔拉麵：博多叉燒拉麵2. 小食：煎餃子烏冬：肥牛烏冬吉列蠔：兩隻細細隻(一吋長)吉列蠔。個樣睇落都OK。我落咗少少檸檬汁，一食之下，隻蠔都好腥下...餃子：又係得兩隻，加少少沙律。個皮唔脆，好隱約睇到佢煎過下嘅痕跡。食落乜味都冇...博多叉燒拉麵：一上檯就聞到好似豬腸味。食落仲精彩！隻蛋我食到膠紙，食麵食到保鮮紙！味道...我覺得明星即食拉麵仲好食過佢囉...肥牛烏冬：一般美/加國肥牛，冇乜特別。烏冬就外黏內實，麵粉用料同做烏冬技術屬下級貨色。以每人七十多蚊食到咁嘅質數，我寧願去富久保食。